Presidenti i SHBA-së, Donald Trump, nënshkroi të hënën një urdhër që e shpall 22 shkurtin si “Ditën Kombëtare të Familjes Engjëllore”, duke synuar të tërheqë vëmendjen ndaj krimeve të kryera nga ata që jetojnë ilegalisht në vend.

“Familjet engjëllore” është një term i shpikur nga administrata Trump për t’iu referuar familjeve të individëve që kanë humbur një të dashur për shkak të veprimeve të migrantëve pa dokumente.

“Amerikanë si Lakin, Grant, Javier, Joshua, Rocky, Rachel Kayla, këta janë njerëz të shkëlqyer dhe ne kurrë nuk do t’i harrojmë. Unë kurrë nuk do t’i harroj”, tha Trump gjatë një eventi ku morën pjesë disa anëtarë të familjes që humbën të afërmit si rezultat i krimeve të kryera nga emigrantët pa dokumente.

“Ky është një grup njerëzish për të cilët, për çfarëdo arsye, ndiej ndoshta më ngrohtësinë”, shtoi ai.

Një kopje e shpalljes së Trump përshëndet përpjekjet e Trump për të kufizuar fluksin e njerëzve pa dokumente përtej kufirit SHBA-Meksikë, duke thënë se presidenti po i bën thirrje “popullit amerikan të mblidhet në vendet e tyre përkatëse të adhurimit për të bërë homazhe për viktimat e vrarë nga emigrantët e paligjshëm dhe për ata të marrë nga epidemia e fentanilit”.

“U bëj thirrje gjithashtu zyrtarëve publikë, udhëheqësve të komunitetit dhe të gjithë qytetarëve që t’i japin fund dhunës dhe paligjshmërisë që kanë marrë kaq shumë jetë të pafajshme”, shton ajo.

Kritikët e Trump përmendin statistikat që tregojnë se migrantët pa dokumente kanë më pak gjasa të kryejnë krime sesa njerëzit që kanë lindur në Shtetet e Bashkuara. Ata argumentojnë se ekzagjerimet e Trump për atë që ai e quan “krim i migrantëve” paraqesin një tablo të shtrembëruar.