Donald Trump u tha gazetarëve të martën se dëshiron që Vladimir Putin  “t’i japë fund luftës” në Ukrainë, gati katër vjet pas ndërhyrjes ushtarake ruse në shkallë të gjerë në territorin ukrainas që shkaktoi konfliktin e armatosur.

Presidenti amerikan foli pasi forcat e Moskës rifilluan sulmet masive ajrore kundër Kievit gjatë natës, përpara negociatave të sotme në Abu Dhabi, të cilat do të përfshijnë të dërguarit amerikanë Steve Witkoff dhe Jared Kushner dhe përfaqësuesit e dy shteteve ndërluftuese.

Sulmet ruse në kryeqytetin ukrainas pasuan një pauzë disa ditore që kishte kërkuar Donald Trump. “Ai e mbajti premtimin e tij” në këtë drejtim, pranoi presidenti amerikan, duke iu referuar homologut të tij rus.