Presidenti i SHBA-së, Donald Trump, njoftoi një marrëveshje të re tregtare me Filipinet pas një takimi të martën me Presidentin Ferdinand Marcos në Shtëpinë e Bardhë.
“Ishte një vizitë e mrekullueshme dhe ne përfunduam Marrëveshjen tonë Tregtare, sipas së cilës Filipinet do të kalojnë në TREG TË HAPUR me Shtetet e Bashkuara dhe me ZERO tarifa. Filipinet do të paguajnë një tarifë prej 19%”, shkroi Trump në Truth Social.
SHBA-të kishin njoftuar një tarifë prej 20% mbi eksportet filipinase, e cila do të hynte në fuqi më 1 gusht.
Të dy vendet ranë dakord gjithashtu të vazhdojnë bashkëpunimin ushtarak, tha Trump.
Filipinet, një aleat ushtarak prej kohësh i SHBA-së në rajonin e Azi-Paqësorit, strehojnë ushtarë amerikanë dhe u ofrojnë qasje në bazat e tyre ushtarake. Të dy vendet kanë mbajtur një traktat mbrojtjeje të ndërsjellë që nga viti 1951.
Zëdhënësi i Ministrisë së Jashtme kineze, Guo Jiakun, kërkoi megjithatë që bashkëpunimi të mos synojë ose dëmtojë asnjë palë të tretë, duke iu referuar tensioneve në Detin e Kinës Jugore.
Anijet kineze dhe filipinase kanë qenë dëshmitarë të disa takimeve në ujërat e diskutueshme të Detit të Kinës Jugore të pasur me minerale, ku të dy vendet kanë pretendime të mbivendosura.
(A.A/BalkanWeb)
