Presidenti amerikan Donald Trump u kërkoi të shtunën republikanëve të mbështesin një projekt-ligj shpenzimesh mbi 1.5 trilion dollarë që synon parandalimin e një mbylljeje të qeverisë , duke e quajtur atë një projektligj “shumë të mirë” “në rrethana”.

“Të gjithë republikanët duhet të votojnë (Ju lutem!) PO javën e ardhshme”, shkroi Trump në platformën e tij “Truth Social”.

Ai theksoi nevojën për unitet, duke pretenduar se demokratët “do të bënin gjithçka që munden për të mbyllur qeverinë tonë”.

“Gjëra të mëdha po vijnë për Amerikën dhe unë po ju kërkoj të gjithëve që të na jepni disa muaj për të kaluar deri në shtator, në mënyrë që të vazhdojmë të rregullojmë “shtëpinë financiare” të vendit,” shtoi ai.

Projektligji, i publikuar nga republikanët e Dhomës së Përfaqësuesve të shtunën, ruan nivelet aktuale të financimit për agjencitë federale deri në fund të shtatorit dhe përfshin 892.5 miliardë dollarë për mbrojtjen dhe 708 miliardë dollarë për shpenzimet jo-mbrojtëse.

Apeli i Trump vjen përpara afatit të së premtes së ardhshme, 14 mars, kur skadon rezoluta aktuale e vazhdueshme.

Projektligji i shpenzimeve synon të shmangë një mbyllje të qeverisë, e cila mund të prishë shërbimet kritike dhe aktivitetin ekonomik.

Disa demokratë, të cilët janë në pakicë në të dy dhomat e Kongresit, kanë argumentuar se duhet të bëjnë presion për lëshime nga shumica republikane për mbështetjen e projektligjit.

 

(A.A/BalkanWeb)