Ministri i Jashtëm i Hungarisë ka kritikuar Komisionin Evropian për mosmbështetjen e Budapestit pasi tubacionet e naftës në vend nga Rusia u ndaluan pas një sulmi me dron ukrainas.

Forcat e Kievit goditën këtë javë një stacion kyç shpërndarjeje të naftësjellësit Druzhba në rajonin rus të Bryansk, duke ndaluar përkohësisht rrjedhat e naftës drejt Hungarisë dhe Sllovakisë.

Peter Szijjarto tha se Ukraina kishte rrezikuar sovranitetin dhe sigurinë energjetike të Hungarisë me sulmin.

Ai akuzoi gjithashtu BE-në se “hesht” pavarësisht një premtimi të mëparshëm nga Brukseli për të mbrojtur sigurinë energjetike të shteteve anëtare.

“Kjo heshtje është më domethënëse se çdo gjë tjetër”, thotë ai. “Komisioni Evropian, Brukseli, znj. Von der Leyen përfaqëson interesat e Ukrainës dhe jo ato të Bashkimit Evropian.”

Duke folur të hënën, ministri i jashtëm i Ukrainës, Andrii Sybiha, tha se Hungaria ka bërë “çdo përpjekje për të ruajtur varësinë e saj nga Rusia – edhe pas fillimit të luftës në shkallë të plotë”.

“Tani mund t’ua dërgoni ankesat – dhe kërcënimet – miqve tuaj në Moskë.”