Angelina Jolie iu bashkua Instagramit javën e kaluar për të folur për situatën në Afganistan dhe postimi i parë ishte letra e një vajze afgane.
Lajmi se aktorja, e cila shquhet për të qenit një person privat, iu bashkua mediave sociale, u përhap në të gjitha mediat. Madje, llogaria e saj theu rekord pasi arriti në mbi 2 milionë ndjekës në vetëm 3 orë, sipas “Page Six”.
![Angelina Jolie](https://www.balkanweb.com/wp-content/uploads/2021/08/angelina-jolie-498x350.png)
Më parë ky rekord mbahej nga aktorja Jennifer Aniston. Aktorja u nderua me Rekordin Botëror Guinness për llogarinë e Instagramit që arriti 1 milion ndjekës në kohën më të shkurtër, brenda 5 orëve dhe 16 minutave nga hyrja në platformën e mediave sociale, në tetor të vitit 2019.
Rikujtojmë që Aniston dhe Jolie i lidh edhe një e shkuar, pasi të dyja kanë qenë të martuara me aktorin Brad Pitt.
![Angelina Jolie 5](https://www.balkanweb.com/wp-content/uploads/2021/08/angelina-jolie-5-344x350.jpg)
Aniston dhe Pitt kanë qenë të martuar për pesë vjet nga viti 2000 deri në 2005-ën. Çifti u nda pasi Pitt u takua me Jolie në xhirimet e “Mr dhe Mrs. Smith”. Pas shumë vitesh lidhje, Jolie u martua me Pitt në vitin 2014 dhe më pas ata u ndanë në vitin 2019.
![Angelina Jolie 6](https://www.balkanweb.com/wp-content/uploads/2021/08/angelina-jolie-6-273x350.jpg)
Jolie dhe Pitt janë prindër të gjashtë fëmijëve: Shiloh Jolie-Pitt, Vivienne Marcheline Jolie-Pitt, Maddox Chivan Jolie-Pitt, Knox Léon Jolie -Pitt, Zahara Marley Jolie-Pitt dhe Pax Thien Jolie-Pitt. Aktualisht, aktorja ka arritur 9.6 milionë ndjekës në platformën e mediave sociale.