Presidenti i Republikës së Shqipërisë, Bajram Begaj ka dekretuar sot lirimin e Ferit Hoxhës nga detyra e Ambasadorit të Jashtëzakonshëm dhe Fuqiplotë të Republikës së Shqipërisë në Misionin e Republikës së Shqipërisë pranë Bashkimit Evropian, rezident.
Vendimi për lirimin nga kjo detyrë vjen pas ndryshimeve që kryeministri Edi Rama bëri në kabinetin qeveritar, pasi Hoxha u emërua ministër i Jashtëm, në vend të Elisa Spiropalit. Kujtojmë se përveç Ministrisë së Jashtme, ndryshime pati dhe në 6 ministri të tjera.
Dekreti për lirimin
Presidenti i Republikës, Sh. T. Z. Bajram Begaj, dekretoi sot lirimin e z. Ferit Hoxha nga detyra e Ambasadorit të Jashtëzakonshëm dhe Fuqiplotë të Republikës së Shqipërisë në Misionin e Republikës së Shqipërisë pranë Bashkimit Evropian, rezident.
Ndryshimet në Qeveri
-Zv.kryeministre, Albana Koçiu – Shkarkohet Belinda Balluku
-Ministër i Brendshëm, Besfort Lamallari– Zëvendëson Albana Koçiun
-Ministër Drejtësie, Toni Gogu– Zëvendëson Besfort Lamallarin
-Ministër Energjitike, Enea Karakaçi– Shkarkohet Belinda Balluku
-Ministër i Mbrojtjes, Ermal Nufi– Shkarkohet Pirro Vengu
-Ministër për Marrëdhënien me Parlamentin, Erjona Ismaili– zëvendëson Toni Gogun
-Ministër i Jashtëm, Ferit Hoxha – Shkarkohet Elisa Spiropali
