Senatori 69-vjeçar demokrat dhe kryetari i Komisionit për Marrëdhëniet me Jashtë të Senatit të SHBA-së, Robert Menendez, ka reaguar për herë të parë pas akuzave për korrupsion nga një gjykatë federale e Nju Jorkut.

“Nuk do të shpërqendrohem nga akuzat e pabaza. Akuzat janë të rreme! Ata po përpiqen të gërmojnë varrin tim politik”, ka deklaruar ai.

Sipas prokurorëve amerikanë, ai dhe gruaja e tij pranuan shufra ari dhe para nga tre biznesmenë të Nju Xhersit.

“Ekzagjerimi i prokurorëve është i dukshëm. Ata kanë keqinterpretuar punën normale që bën zyra e senatorit. Dhe sikur të mos mjaftonte kjo, të pakënaqur me akuzat e rreme kundër meje, ata sulmuan edhe gruan time për miqësi të gjata që ajo kishte para se të takoheshim. Unë jam akuzuar në mënyrë të rreme në të kaluarën sepse refuzova t’i dorëzohesha fuqive që ishin në mënyrë që qytetarët e Nju Xhersit të mund të shihnin gënjeshtrat dhe të kuptonin se unë isha i pafajshëm”, tha Menendez në deklaratën e tij.

(BalkanWeb)