91 vjeçari pas largimit nga jeta të bashkëshortes së tij jetonte i vetëm, pasi dy fëmijët e tij janë në emigracion prej vitesh në Greqi. Prej dy ditësh, që në datën 9 shkurt ishte larguar nga shtëpia dhe nuk ishte kthyer më.

Kanë qenë banorë të fshatit ata që njoftuan më mosardhjen e tij në shtëpi, duke u shprehur se ai kurrë nuk largohej nga shtëpia. Me të marrë njoftimin ka nisur operacioni i kërkim shpëtimit nga MZSH bashkia Finiq.

Pas kërkimit prej dy ditësh mesditën e sotme me pjesëmarrje të banorëve të fshatit, policisë si dhe shërbimit zjarrfikës u gjet i pajetë trupi i të moshuarit. Trupi i tij u gjet në përroin e fshatit. Grupi zjarrfikës pasi u bë ekspertiza e vendit të ngjarjes nga eksperti i policisë së shtetit, e transportoi trupin deri tek rruga, për tek ambulanca për të vazhduar më tej me procedurat e tjera.

Sipas burimeve mësohet se vdekja e 91 vjeçarit dyshohet të ketë qenë natyrale, por që dyshohet të ketë ndikuar edhe qenia e tij prej dy ditësh jashtë. Nga kqyrja e kufomës mësohet se nuk kishte shënja dhune.