Baza ‘Al Udeid’, e vendosur pranë kryeqytetit të Katarit, Doha, që u sulmua me raketa iraniane, shërben si seli e operacioneve ajrore të Komandës Qendrore të SHBA-së në Lindjen e Mesme dhe strehon gati 8,000 trupa amerikane.

Forcat britanike gjithashtu kalojnë me rotacion nëpër bazë, e cila nganjëherë quhet Aeroporti i Abu Nakhlas.

Objekti aktualisht shërben si seli dhe bazë logjistike për operacionet amerikane në Irak dhe gjithashtu përfshin pistën më të gjatë të uljes ajrore në rajonin e Gjirit.

Katari u dha Shteteve të Bashkuara akses në bazën Al Udeid në vitin 2000. Pasi amerikanët morën përsipër menaxhimin e bazës në vitin 2001, Doha dhe Uashingtoni nënshkruan një marrëveshje në dhjetor 2002 që njihte zyrtarisht praninë e ushtrisë amerikane në objektin Al Udeid, sipas firmës së inteligjencës me seli në Londër, ‘Grey Dynamics’.

Në vitin 2024, CNN raportoi se SHBA-të arritën një marrëveshje për të zgjatur praninë e tyre ushtarake në Katar për 10 vjet të tjera.