Një tërmet me magnitutë 4.3 ballë të shkallës rihter është ndjerë në Palermo.

Mediat italiane shkruajnë, se tërmeti i parë, u pasua dhe me 2 dridhje të tjera më të lehta. Lëkundjet qenë të fuqishme dhe qytetarët janë alarmuar, duke dalë jashtë për t’u mbrojtur. Epiqendra e tërmetit ishte Lascari, ndërsa thellësia fokale e saj ishte 6 kilometra.

Për fat të mirë, deri më tani nuk ka raportime për dëme material apo viktima.

“Dëgjova raftin teksa lëvizte me shpejtësi. Dola me shpejtësi jashtë, u tmerrova”, tha një qytetar.

Kujtojmë që po gjatë ditës së sotme, në Korint të Greqisë u regjistrua një tërmet me të njëjtën magnitutë. Edhe atje nuk kishte raportime për viktima apo dëme materiale.

(BalkanWeb)