Ukraina ka ftuar ministrat e jashtëm të BE-së për të vizituar vendin më 9 maj, ditën kur Rusia po përkujton fitoren e Bashkimit Sovjetik në vitin 1945 ndaj Gjermanisë naziste në Luftën e Dytë Botërore, si një simbol i unitetit me popullin ukrainas.

Duke iu drejtuar një konferencë shtypi në Kiev të mërkurën, Heorhiy Tykhy, zëdhënës i Ministrisë së Jashtme, tha: “Kjo është një ftesë për ministrat e jashtëm të BE. Ata e kanë marrë këtë ftesë. Ne e dimë se reagimet janë pozitive.”

“Ne shpresojmë se do të jetë vërtet një mundësi e shkëlqyer për të treguar unitetin tonë në sfondin e agresionit rus”, shtoi ai.

Ukraina, që nga lufta ruse e vitit 2022, ka kërkuar të distancohet nga Moska dhe ka nxitur lidhje më të ngushta me Perëndimin.

 

(A.A/BalkanWeb)