Ukraina ka goditur tre rafineri të mëdha nafte në territorin rus brenda vetëm tre ditësh, duke vënë në shënjestër objekte që përfaqësojnë së bashku rreth 10% të kapacitetit total të rafinimit të naftës në Rusi.
Objektivat e sulmeve ishin rafineria Novokuybyshevsk, Bashneft-Novoil dhe LUKOIL-Nizhegorodnefteorgsintez.
Sipas të dhënave të publikuara nga Dnipro Osint, këto tri rafineri kanë një kapacitet të kombinuar vjetor prej 30 deri në 33 milionë tonësh naftë bruto. Kjo shifër përbën afërsisht një të dhjetën e kapacitetit të përgjithshëm të rafinimit të Rusisë.
Sulmet ndaj infrastrukturës energjetike ruse janë pjesë e goditjeve ukrainase ndaj objekteve që lidhen me industrinë e naftës dhe furnizimin e makinerisë ushtarake të Moskës. Sipas të dhënave të bëra publike, goditja e tre rafinerive brenda një periudhe kaq të shkurtër përbën një operacion me ndikim të konsiderueshëm në sektorin rus të përpunimit të naftës.
