Shërbimi i Sigurisë i Ukrainës (SBU) tha të shtunën se kreu një sulm me dron gjatë natës në aeroportin Kirovske në Krime dhe pretendoi se disa helikopterë rusë dhe një sistem mbrojtjeje ajrore u shkatërruan në sulm.

Sipas një deklarate të SBU-së, dronët shënjestruan zonat ku ndodheshin njësitë e aviacionit rus, asetet e mbrojtjes ajrore, depot e municioneve dhe mjetet ajrore pa pilot.

Agjencia pretendoi se u shkatërruan helikopterë Mi-8, Mi-26 dhe Mi-28, si dhe një sistem raketash dhe topash Pantsir-S1.

“Detonacionet dytësore vazhduan gjatë gjithë natës në aeroport”, tha SBU, duke e quajtur sulmin pjesë të përpjekjeve më të gjera për të prishur operacionet ajrore ruse.

“Armiku duhet ta kuptojë se pajisjet dhe municionet e shtrenjta ushtarake nuk janë të sigurta askund – as në vijën e kontaktit, as në Krime dhe as thellë në prapavijë”, shtoi ajo.

Autoritetet ruse nuk kanë komentuar ende mbi pretendimin.