Ushtria izraelite, e cila ka shtuar thirrjet për evakuimin e Qytetit të Gazës në pritje të rritjes së bombardimeve dhe luftimeve kundër Hamasit, njoftoi sot se vlerëson se rreth 480,000 palestinezë janë larguar nga qyteti që nga fundi i gushtit, duke u drejtuar drejt pjesës jugore të Rripit të Gazës.

“Vlerësimi është rreth 480,000”, tha një zëdhënës ushtarak për AFP-në në përgjigje të një pyetjeje në lidhje me numrin e njerëzve që kanë ikur nga qyteti që nga fundi i gushtit, kur OKB-ja vlerësoi se popullsia atje ishte rreth një milion.

Vlerësimi i dhënë nga ushtria izraelite prej disa ditësh në lidhje me numrin e njerëzve të zhvendosur konsiderohet i ekzagjeruar nga Hamasi dhe Mbrojtja Civile në Rripin e Gazës, e cila vepron nën autoritetin e saj.