Milan përcolli mes duartrokitjeve Stefano Piolin, mbyllën një kapitull 5-vjeçarë me një titull në Serie A. Në Milano, drejtuesit e klubit kishin nisur prej kohësh punën për të gjetur pasuesin e tij, më në fund të gjithë duket të bindur, nga Furlani tek Ibrahimovic, të gjithë kanë votuar pro Paulo Fonseca-s, për momentin është i vetmi kandidat.
Shumë pak dyshime ka edhe në lidhje me stolin e Juves, është e qartë që Thiago Motta do të zbarkojë në Torino për të firmosur me “Zonjën e Vjetër”. Më shumë se sa trajneri i ri, drejtuesit e klubit po projektojnë merkaton, ku tema e parë që duhet të zgjidhin është e ardhmja e Chiesa-s, me sulmuesin “azzurr” që pritet të largohet nga Torino pasi edhe Motta ka dhënë bekimin e tij.
Ka pak ose aspak dyshime edhe në lidhje me stolin e Napolit. Prej kohësh De Laurentiis po negocion me Antonio Conte-n, palët kanë një akord total, por po diskutohen vetëm disa detaje përfshi këtu edhe merkaton. Conte do të firmos një kontratë 3-vjeçare nga ku do të përfitojë 6,5 milionë euro në sezon, plus bonuse.
Conte ka përpiluar edhe listën e dëshirave, ku mes tyre janë edhe dy emra shumë të njohur, Romelu Lukaku dhe Chiesa. Largimi i Osimhen do të sjell mbi 100 milionë euro në klub, por do të lë edhe një boshllëk të madh në sulm, në sytë e Conte-s pinjolli i tij, Lukaku, është opsioni ideal për ta marrë vendin e Osimhen. Së bashku me Kvara dhe Chiesa do të formonin një tredhëmbësh fantastik.
(BalkanWeb)
