Një vatër zjarri është konstatuar mbrëmjen e kësaj të mërkure në fshatin Niçë në njësinë Dardhas të Pogradecit.

Gazetarja Lorena Kodra raporton për Balkanweb se pas marrjes së njoftimit në zonë kanë shkuar inspektorë të pyjores, zjarrfikës dhe banorë të fshatit të cilët po punojnë për izolimin e flakëve.

Situata do të rishikohet edhe nesër në mengjes.

Po punohet gjithashtu edhe për shkaqet e zjarrit por paraprakisht dyshohet të jetë i qëllimshëm.

(Balkanweb)