Moska i është kundërpërgjigjur Uashingtonit pas kritikave të bëra për vendosjen e armëve bërthamore ruse në Bjellorusi.
“Keni bërë të njëjtën gjë në Evropë për dekada të tëra”, tha në një deklaratë ambasada ruse.
Në fillim të kësaj jave, Rusia tha se armët ishin tashmë duke u zhvendosur në territorin bjellorus.
Presidenti amerikan, Joe Biden iu përgjigj raporteve duke thënë se ai kishte një reagim “jashtëzakonisht negativ” ndaj planeve dhe Departamenti i Shtetit i SHBA-së denoncoi masën.
Ambasada ruse e quajti kritikën e SHBA-së hipokrite, duke thënë se “përpara se të fajësonte të tjerët, Uashingtoni mund të ktheni pas në kohë dhe të reflektoni për veprimet tuaja”.
“Shtetet e Bashkuara kanë mbajtur për dekada të tëra një arsenal të madh të armëve të tyre bërthamore në Evropë. Së bashku me aleatët e saj në NATO, ajo merr pjesë në marrëveshjet e ndarjes bërthamore dhe trajnon për skenarë të përdorimit të armëve bërthamore kundër vendit tonë,” tha ai.
Shtetet e Bashkuara janë shprehur se bota përballet me rrezikun më të madh bërthamor që nga kriza e raketave Kubane e vitit 1962 për shkak të vërejtjeve të Vladimir Putin gjatë konfliktit në Ukrainë, por Moska thotë se pozicioni i saj është keqinterpretuar.
(BalkanWeb)
