BalkanWeb dhe News24 sigurojnë pamjet e aksidentit të ndodhur mesditën e sotme në hyrje të qytetit të Vlorës ku një motor doli nga rruga dhe për pasojë humbi jetën 19-vjeçari, Luan Llano. Nga aksidenti mbeti i plagosur edhe Tomorr Brati i cili mësohet se ndodhet në gjendje të rëndë për jetën.
Policia e Vlorës, përmes një komunikate zyrtare ka sqaruar rrethanat e aksidentit të ndodhur mesditën e sotme në hyrje të qytetit të Vlorës, në rrugën “Demokracia”.
Sipas policisë, ngjarja ndodhi rreth orës 13:40, në rrugën “Demokracia”, pranë vendit të quajtur “Pusi i Mezinit”, dy shtetas, duke udhëtuar me një motomjet, dyshohet se kanë humbur kontrollin mbi drejtimin e tij dhe si pasojë motomjeti ka dalë nga rruga dhe është përplasur me një shtyllë elektrike.
Vlorë/Informacion paraprak
Sot, rreth orës 13:40, në rrugën “Demokracia”, pranë vendit të quajtur “Pusi i Mezinit”, dy shtetas, duke udhëtuar me një motomjet, dyshohet se kanë humbur kontrollin mbi drejtimin e tij dhe si pasojë motomjeti ka dalë nga rruga dhe është përplasur me një shtyllë elektrike.
Si pasojë e aksidentit, ka ndërruar jetë shtetasi L. Ll., 19 vjeç, ndërkohë që shtetasi T. M. është dërguar në spital për ndihmë mjekësore.
Grupi hetimor ndodhet në vendngjarje dhe po punon për sqarimin e rrethanave të aksidentit, si dhe për përcaktimin e shtetasit që ishte në drejtim të motomjetit.
(BalkanWeb)
