Hajduk Split triumfoi në fundjavë 0-2 ndaj Istra-s, në ndeshjen e vlefshme për kampionatin kroat. Më shumë sesa vetë ndeshja, apo një gol i shënuar nga Sahiti, bëri bujë një episod i minutës së 27-të.

Futbollisti shqiptar i mysafirëve të Hajdukut, Emir Sahiti u përplas me lojtarin serb, Mladen Devetak. Më pas, u përfshinë edhe futbollistë të tjerë, si Ante Erceg dhe Marko Livaja, kapiten i Hajdukut. Gjithsesi, situata u qetësua dhe arbitri u mjaftua me një karton të verdhë të Livaja-s.

Ky takim u luajt në mes të një tensioni të madh, ku edhe pas sfidës disa tifozë janë përleshur me sigurimin. Hajduk Split kryeson kampionatin me 36 pikë dhe ndeshja e radhës është ndaj Goricës, në shtëpi.

(J.S/BalkanWeb)