Presidenti i Bjellorusisë, Alexander Lukashenko, dhe udhëheqësi i Koresë së Veriut, Kim Jong Un, zhvilluan bisedime në kryeqytetin e Koresë së Veriut të enjten dhe nënshkruan një traktat miqësie dhe bashkëpunimi.

Lukashenko, i cili ishte në Phenian për një vizitë zyrtare dy-ditore, e përshëndeti dokumentin si “themelor” dhe tha se marrëdhëniet midis dy vendeve “po hyjnë në një fazë të re”, sipas shërbimit të tij për shtyp.

“Po, nuk patëm bashkëpunim të ngushtë, kryesisht për shkak të fajit tonë. Por jam sinqerisht i kënaqur të vërej se bashkëpunimi tani është intensifikuar ndjeshëm”, tha Lukashenko.

“Në realitetin e sotëm të një transformimi global, kur fuqitë globale injorojnë dhe shkelin hapur ligjin ndërkombëtar, vendet e pavarura duhet të bashkëpunojnë më ngushtë, të konsolidojnë përpjekjet që synojnë mbrojtjen e sovranitetit të tyre dhe përmirësimin e mirëqenies së qytetarëve tanë”, tha ai.

Gjatë takimit midis Lukashenko dhe Kim shkëmbyen edhe disa dhurata me liderin bjellorus që i dhuroi një pushkë sulmi të tipit VSK, e prodhuar në Bjellorusi.

Ndërsa ia dorëzonte armën, Lukashenko deklaroi: “Armët e zjarrit do të jenë gjithmonë të nevojshme për një ushtar”.