Manchester City merr fitoren e 3-të radhazi në kampionat dhe renditet në vendin e parë të kampionatit anglez. Pritej të ishte një takim i vështirë ky i sotmi me Fulham dhe ashtu rezultoi, pasi fitorja erdhi vetëm në fund (2-1).

“Qytetarët” do e nisnin si duhet takimin dhe do merrnin avantazhin në minutën e 17-të me Alvarez, pas një assisti të Gundogan.

Sfida do merrte kah tjetër në të 26-tën, kur naiviteti i Cancelos u kushton shumë djemve të Guardiolës. Mbrojtësi portugez ndërhyn ashpër në zonë dhe për arbitrin nuk pati aspak dyshime, penallti. 11-metërshi merret përsipër nga Pereria dhe ekzekutohet me mjeshtëri.

Erling Haaland nuk e mbante vëndi në stol, sulmuesi norvegjez u aktivizua në pjesën e dytë dhe dërgoi në festë tifozët në Etihad me golin e tij por vetëm përkohësisht, pasi pas një kontrolli me VAR anulohet.

Haaland do i jepte 3 pikë Manchester Cityt në fundin e takimit, pasi “tundi rrjetën” me penallti.

 

(BalkanWeb)

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb