Pamje tronditëse janë publikuar nga një shkollë në Turqi, ku një sulm i armatosur ka lënë pas katër viktima dhe 20 të plagosur.

Sipas mediave turke, ngjarja e rëndë ndodhi në një shkollë në Kahramanmaraş, ku një person i armatosur hapi zjarr ndaj nxënësve dhe stafit. Pamjet e kapura nga kamerat e sigurisë tregojnë momentin kur autori qëllon me armë brenda ambienteve të shkollës, duke shkaktuar panik dhe viktima.

Raportohet se gjatë sulmit, autori përdori pesë armë të ndryshme dhe shtatë karikatorë, të cilat i përkisnin babait të tij, një ish-oficer policie, i cili më pas është arrestuar nga autoritetet.

Bilanci i sulmit është i rëndë: katër persona humbën jetën, mes tyre një mësues dhe tre nxënës, ndërsa 20 të tjerë mbetën të plagosur. Sipas autoriteteve, katër prej të plagosurve ndodhen në gjendje kritike dhe po i nënshtrohen ndërhyrjeve kirurgjikale.

Guvernatori i Kahramanmaraş deklaroi se motivet e sulmit nuk janë ende të qarta, ndërsa konfirmoi se autori i krimit ka kryer vetëvrasje pas ngjarjes.

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb