Pushuesit nga Kosova kanë përfunduar plazhin në bregdetin shqiptar edhe këtë fillim shtator për t’u kthyer sërish në shtetin e tyre.
Në Shëngjin situata është më problematike teksa gazetari Elidon Ndreka raporton për BalkanWeb se pasditja ka pasur një fluks të lartë automjetesh.
Ekzaktësisht situata është më e rëndë nga kryqëzimi i Shëngjinit deri në Milot, dhe përgjatë Rrugës së Kombit.
Madje në segmentin Milot- Rubik të Rrugës së Kombit ka dhe radhë automjetesh.
Pavarësisht se në Shqipëri ka trokitur vjeshta, kosovarët vijojnë të shijojnë pushimet në plazhet e Shqipërisë, ku më të preferuarat kanë Durrësin dhe Shëngjinin.
(BalkanWeb)