Një shpërthim i fuqishëm në një fabrikë riciklimi bojërash në São Paulo të Brazilit ka shkaktuar të paktën 9 të plagosur, mes tyre edhe disa zjarrfikës.

Shpërthimi u pasua nga të paktën 20 shpërthime të tjera zinxhir, për shkak të pranisë së sasive të mëdha të materialeve të ndezshme, përfshirë tretës për bojëra dhe llaqe.

Sipas informacioneve paraprake, brenda fabrikës ndodheshin rreth 100 mijë litra tretës shumë të ndezshëm. Objekti u përfshi plotësisht nga flakët, ndërsa re të dendura tymi të zi u ngritën në qiell dhe u panë nga më shumë se 20 kilometra larg.

Ndërkohë, autoritetet kanë nisur hetimet për të zbardhur shkaqet e ngjarjes. Dyshimet paraprake janë se zjarri mund të ketë nisur gjatë shkarkimit të tretësve të ndezshëm nga një autobot në ambientet e fabrikës.

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: