Ministri i Mbrojtjes, Niko Peleshi, publikon pamjet nga trageti në flakë i linjës Brindizi-Gumenicë, duke thënë se operacionit për shuarjen e flakëve i janë bashkuar edhe forcat detare të Shqipërisë.
Teksa publikon pamjet e operacionit nga deti, ku shihet tragenti gjigant mes flakëve, Peleshi thekson se “Në operacionin që po drejtohet nga pala greke janë angazhuar edhe anijet e Forcës sonë Detare, Butrinti dhe ajo patrulluese R-117”.
“Dy anijet të Forcës Detare shqiptare i janë bashkuar përpjekjeve për shuarjen zjarrit në tragetin e linjës Brindizi-Gumenicë të përfshirë nga flakët mbrëmjen e djeshme në det. Fillimisht zjarri ka rënë jashtë ujërave tona territorial, por tashmë operacioni po kryhet në ujërat tona territorial, 5 milje larg Porto Palermos. Në operacionin që po drejtohet nga pala greke janë angazhuar edhe anijet e Forcës sonë Detare, Butrinti dhe ajo patrulluese R-117. Më herët pasagjerët dhe pjesëtarët e ekuipazhit janë evakuuar nga anija”, shkruan ministri Peleshi.
(BalkanWeb)
