MALLAKASTER- Në familjen e Anna Malajt, 31-vjeçares së arrestuar sot në Fier, e akuzuar për një grabitje karburanti dhe dy të tjera të mbetura në tentativë askush nuk flet.
Gazetari i “BalkanWeb”, Ervis Kuçi ka udhëtuar drejt fshatit Visok të Mallakastrës, aty ku gjendet edhe banesa e prindërve të saj.
Vila tre katëshe siç shihet edhe nga pamjet ndodhet në fund të një rrugice, në majë të një kodre, por dera e saj mbyllet me shpejtësi. Askush nuk do të flasë dhe të komentojë për veprimet e Annës.
Ndonëse familjarët kyçën gojën, banorë të fshatit i kanë thënë gazetarit tonë se prej kohësh prindërit e saj jetonin në Greqi.
(m.a/BalkanWeb)
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
