Në shkelje të plotë të ligjit, me një sjellje arbitrare dhe arrogancë, Policia e shtetit ka gjobitur makinat e gazetarëve të News24 dhe Panorama, të cilët ndodhen para hyrjes së godinës së televizionit, në të drejtën e tyre për zbatimin e vendimit të gjykatës që kërkoi lejimin e tyre për të hyrë në ambientet e  punës, që të tërheqin sendet personale dhe dosjet.

KAYO po kryen në këtë mënyrë 3 shkelje ligjore. së pari nuk po zbaton vendimin e gjykatës e cila kërkoi që gazetarëve tu lejohej futja në ambientet e punës për të marrë sendet personale, dosjet e punës.

Së dyti, marrja e së drejtës me forcë dhe zënia e pronës pa një titull ligjor,

Gjykata e Tiranës i ka dhënë në shuplakë të fortë, drejtuesit të kompanisë KAYO, Ardi Veliu, i cili ditën e shtunë ka ndërmarrë një aksion brutal, teksa ka zaptuar ambientet e News24, Panorma TV, Balkanweb, Gazetës Panorama, Panorama Sport, Gazetës Shqiptare dhe Radio Rash.

Gjykata e Tirans ka sqaruar arsyet pse Ardi Veliu dhe kompania e armëve, KAYO është në shkelje të ligjit edhe pse pretendon pronësinë e godinës së News24.

Por për aktet e paligjshme që vijuan më tej, ditën e diele Gjykata dënon dhe urdhrat e Ardi Veliut për konfisktuan pa praninë e përfaqësuesve të Focus Group te pajisjeve, kompjuterave, dosjeve hetimore, materialeve sensistive, aparaturave, kamerave, (fati i këtyre materialve sensitive nuk dihet ende se ku kanë përfunduar).

Por ajo që Gjykata sqaron gjërë e gjatë është fakti se liria e gazetarëve dhe liria e shprehjes është e garantuar me Kushtetutë, gjë të cilën siç duket Ardi Veliu e nuk e dinte apo bënte sikur s’e dinte

“Sa i takon kërkesës për dorëzimin e sendeve personale e paisjeve të gazetarëve, gjykata sjell në vëmendje nenin 22 të Kushtetutës, i cili parashikon se: “1. Liria e shprehjes është e garantuar. 2. Liria e shtypit, e radios dhe e televizionit është e garantuar. 3. Censura paraprake e mjeteve të komunikimit ndalohet”, e drejtë e njohur edhe nga neni 10 I KEDNJ.