Dy persona janë arrestuar në Laç pasi u kapën në flagrancë duke vënë baste sportive.

Në cilësinë e provës materiale u sekuestruan 2 celularët e këtyre shtetasve.

Njoftimi: 

Në kuadër të megaoperacionit “Sundimi i ligjit”, zbulohet një lokal në Laç, ku viheshin basteve sportive me celularë.

Komisariati i Policisë Kurbin arrestoi në flagrancë shtetasit A. K., 34 vjeç dhe K. K., 41 vjeç, të dy banues në Laç.

Gjatë kontrolleve të kryera në bazë të informacioneve të marra në rrugë operative, në lokalin në pronësi të shtetasit A. K., u kapën ai dhe 41-vjeçari, duke vënë baste sportive, me celularë. Në cilësinë e provës materiale u sekuestruan 2 celularët e këtyre shtetasve.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm, Lezhë.