ELBASAN
Policia e Elbasanit ka arrestuar autorin e dytë të vjedhjes së një makine. Dy persona, në bashkëpunim me njëri-tjetrin morën një makinë dhe më pas e braktisën atë disa orë më vonë.
Pas punës intensive u bë e mundur arrestimi i tyre, ndërsa ndaj tyre tashmë rëndon akuza e vjedhjes së kryer në bashkëpunim.
Njoftimi i policisë:
Në vijim të informacionit të dhënë ku shtetasit Xh.M dhe J.T., në bashkëpunim me njëri- tjetrin, kanë vjedhur një automjet në pronësi të shtetasit E.Ll., të cilin e kanë braktisur disa orë me vonë, Shërbimet e Policisë së Komisariatit të Policisë Elbasan pas një pune intensive, të mirë-organizuar dhe të pandërprerë, kanë bërë të mundur lokalizimin dhe arrestimin e autorit të dytë të shpallur në kërkim shtetasi J.T., 25 vjeç, banues në fshtin Katund i Ri, të Elbasanit.Materialet hetimore i kaluan Prokurorisë pranë Gjykatës së Shkallës Parë Elbasan, për veprimet e mëtejshme.
