KOSOVË- Rreth dy milionë shtetas të Kosovës do të kenë mundësi të votojnë të dielën, në zgjedhjet e parakohshme parlamentare që u shpallën pasi legjislatura e dalë nga zgjedhjet e 9 shkurtit, nuk e miratoi asnjërin prej dy kabineteve qeveritare që u propozuan.

Sipas të dhënave të Komisionin Qendror të Zgjedhjeve në Kosovë, deri në orën 18:23 kanë votuar 38.55% të qytetarëve.

Sipas të dhënave të publikuara në faqen e KQZ-së deri në këtë orë të drejtën e tyre për të votuar e kanë shfrytëzuar 770,751 qytetarë nga 1 milion e 999 mijë e 204 qytetarë që kanë të drejtë vote.

Ora 17:21 – Zgjedhjet e parakohshme parlamentare në Kosovë/ Kurti tjetër videomesazh qytetarëve: Duke votuar bëheni pjesë e demokracisë dhe vendimmarrës

Kryeministri në detyrë i Kosovës, Albin Kurti ka ndarë një tjetër video-mesazh për qytetarët e Kosovës, për zgjedhjet e sotme. Ndërsa janë më pas se dy orë nga koha kur mbyllet orari zyrtar i votimeve, Kurti shpreh se sa më e gjerë të tjerë pjesëmarrja në zgjedhje aq më i madh legjitimiteti i institucioneve të ardhshme të vendit. Sot është dita kur secili prej nesh mund të jemi përcaktues për katër vitet e ardhshme. Kurti bën thirrje që qytetarët të dalin masivisht të votojnë pasi në këtë mënyrë bëhen pjesë e demokracisë dhe vendimmarrës.

Ora 17: 05- Zgjedhjet në Kosovë/ Pjesëmarrja në votime mbi 25 % deri në orën 17:00

Sipas të dhënave të Komisionin Qendror të Zgjedhjeve në Kosovë, deri në orën 17:00 kanë votuar 25.07% të qytetarëve.

Sipas të dhënave të publikuara në faqen e KQZ-së deri në këtë orë të drejtën e tyre për të votuar e kanë shfrytëzuar 501,265 qytetarë nga 1 milion e 999 mijë e 204 qytetarë që kanë të drejtë vote.

Ora 16:55 – Kosova voton/ Albinot Maloku: Rezultati i zgjedhjeve ka shumë rëndësi për t’i ofruar vendit perspektivë në të ardhmen. T’i jepet fund ngërçit politik

Politologu Albinot Maloku në një intervistë në “News24”, foli për zhvillimet politike në Kosovë dhe procesin e votimeve. I ndalur te zgjedhjet, Albinot Maloku tha se janë shumë rëndësishme, pasi qytetarët e Kosovës u përballën me një kriza institucionale prej muajsh. Gjatë kësaj interviste ai tha se Lëvizja Vetëvendosje nuk pati guximin të ecë përpara.

Ora 15:05- Zgjedhjet në Kosovë/ Ja sa ishte pjesëmarrja në votime deri në orën 15:00

Sipas të dhënave të Komisionin Qendror të Zgjedhjeve në Kosovë, deri në orën 15:00 kanë votuar 27.95% të qytetarëve.

Sipas të dhënave të publikuara në faqen e KQZ-së deri në këtë orë të drejtën e tyre për të votuar e kanë shfrytëzuar 558, 872 qytetarë nga 1 milion e 999 mijë e 204 qytetarë që kanë të drejtë vote.