Një zjarr i madh ka përfshirë një sipërfaqe të gjerë me shkurre, pyje dhe ferra në malin e Gamit, mbi fshatin Mukje të Njësisë Administrative Nikel.
Zjarri, i rënë pasditen e sotme, ka djegur deri tani sipërfaqe të mëdha dhe, i ndihmuar nga era që po fryn gjatë gjithë ditës, po përparon frikshëm, duke shkaktuar dëme të mëdha në florën dhe faunën e zonës.
Për shkak të terrenit të thyer, është e pamundur ndërhyrja me mjete zjarrfikëse, kështu që zjarri është në mëshirë të fatit, duke përparuar pa ndalim.
