Banorët në qytetin gjerman të Hamburgut janë paralajmëruar për tym të dendur dhe me toksina të mundshme në ajër pasi një zjarr i madh shpërtheu në një magazinë.

Pamjet që qarkullojnë në rrjetet sociale tregojnë se magazina është përfshirë nga flakët herët në mëngjesin e së dielës, me tymin që ngrihet në qiell.

“Gazrat dhe tymi me përbërës kimikë në ajër janë shkaktuar nga një zjarr dhe mund të ndikojnë në frymëmarrje. Reja e tymit po lëviz drejt qendrës së qytetit”, tha në një deklaratë alarmante nga departamenti i zjarrfikësve në Hamburg.

Sakaq, rreth 140 persona janë evakuuar, tha një zëdhënës i policisë, sipas Reuters.