Shkëndija ka transferuar mesfushorin Drilon Islami. Klubi dhe lojtari do të qëndrojnë së bashku, për 2 vite e gjysmë. Islami ka luajtur në Kosovë për Dritën dhe Prishtinën, ndërsa së fundmi është aktivizuar te Cluj në Rumani.

“KF Shkëndija me kënaqësi komunikon angazhimin e mesfushorit defenaziv, Drilon Islami. 25 vjeçari në Tetovë vjen pasi shkëputi kontratën me Kluzhin e Rumanisë.

Futbollisti kosovar që shkëlqeu me Prishtinën në elitën kosovare, para se të transferohej në Rumani ka kaluar me sukses ekzaminimet mjekësore. Menjëherë pas kësaj ka firmosur kontratën që e lidh me Shkëndijën për 2.5 vitet e ardhshme”- shkruan Shkëndija.