Një zyrtar i lartë i Hamasit ka hedhur poshtë sugjerimin e Donald Trump se palestinezët duhet të zhvendosen përgjithmonë nga Gaza, duke thënë se komentet e presidentit amerikan ishin një “recetë për krijimin e kaosit dhe tensionit” në rajonin e Lindjes së Mesme.

“Ne e konsiderojmë atë një recetë për krijimin e kaosit dhe tensionit në rajon”, tha zyrtari i Hamasit Sami Abu Zuhri në një deklaratë, duke shtuar:

Njerëzit tanë në Rripin e Gazës nuk do të lejojnë që këto plane të kalojnë. Ajo që kërkohet është t’i jepet fund okupimit dhe agresionit kundër popullit tonë, jo dëbimi i tyre nga toka e tij.

Një tjetër zyrtar i lartë i Hamasit, Izzat al-Rishq, gjithashtu kritikoi Trump për komentet e tij të fundit, sipas Agence-France-Presse.

“Njerëzit tanë në Gaza kanë penguar planet e zhvendosjes dhe dëbimit nën bombardime për më shumë se 15 muaj,” tha Rishq në një deklaratë të veçantë.

Ata janë të rrënjosur në tokën e tyre dhe nuk do të pranojnë asnjë skemë për t’i çrrënjosur nga vendlindja e tyre.

 

(A.A/BalkanWeb)