Forcat ruse po “ecin përpara” në qytetin lindor të Bakhmut, ka pohuar një zyrtar i instaluar nga Rusia në rajonin e Donetsk.

Qyteti është kontestuar shumë për muaj të tërë, me dëshmitarë që përshkruajnë një vendbanim i cili është shkatërruar pothuajse tërësisht nga luftimet intensive.

Zyrtari i instaluar nga Rusia shtoi se Moska pothuajse ka marrë kontrollin e plotë të një fabrike metalike në Bakhmut, por kjo ende nuk është konfirmuar.

Ndërkohë, përshkrimet ukrainase dhe perëndimore të situatës në qytet janë shumë të ndryshme. Ata kanë pohuar se lufta po stabilizohet ndërsa ofensiva ruse lëkundet.

Por Denis Pushilin tha se pjesa më e madhe e forcave ukrainase janë detyruar të tërhiqen nga fabrika e metaleve AZOM në anën perëndimore të lumit Bakhmutka.

Të dyja palët thonë se po i shkaktojnë viktima të rënda njëra-tjetrës në Bakhmut.