Ardian Nuhiu nuk është më trajner i Shkëndijës. Lajmi është dhënë nga klubi shqiptar i Maqedonisë e Veriut, nëpërmjet kanaleve zyrtare. Tekniku 45-vjeçar i lindur në Shkup qëndroi 20 ndeshje në krye të kësaj skuadre, me ekipin që mori mesatarisht 1.90 pikë për çdo sfidë.
“Klubi i Futbollit Shkëndija përmes kësaj komunikate njofton opinionin publik se, pas një vlerësimi të kujdesshëm dhe dialogut të hapur, ka arritur në një marrëveshje të dyanshme për ndërprerjen e bashkëpunimit me trajnerin Ardian Nuhiu.
Ndajmë këtë vendim me bindjen se, në këtë moment, e rëndësishme është të bëhen ndryshime që do të sjellin një frymë të re dhe një drejtim të ri për ekipin tonë. Jemi mirënjohës ndaj trajnerit Nuhiu dhe stafit të tij për kontributin e dhënë për sakohë ishin pjesë e jona, duke u uruar suksese në të ardhmen e tyre profesionale.
Vazhdojmë me vendosmëri, duke reflektuar dhe reaguar, në drejtim të ngritjes dhe sigurimit të cikleve të fitoreve në gjysmëstinorin e radhës” – Shkruan Shkëndija. Shkëndija renditet në vendin e 3-të në kampionat, me 35 pikë të grumbulluara.
(J.S/BalkanWeb)
