SHBA– Dy ditë pas inaugurimit të Donald Trump si president i 45 i Shteteve të Bashkuara të Amerikës, zbulohet edhe lideri me të cilin do të zhvilloje takimin e parë.

Mësohet se kryeministrja e Britanisë së Madhe, Theresa May është zyrtarizuar si liderja e parë botërore që do të takohet të premten me presidentin e 45 të Shteteve të Bashkuara. Shtëpia e Bardhë ka njoftuar tashmë edhe zyrtarisht takimin mes tyre.

Një nga çështjet që pritet të bisedohet mes dy liderëve është tregtia e lirë dhe dalja e Britanisë së madhe nga BE. Gjatë muajit korrik të vitit të kaluar, Anglia votoi për largimin nga Bashkimi Evropian. Në referendumin historik rreth 52% e britanikëve i thanë “jo” qëndrimit në BE.

(d.d/BalkanWeb)