TIRANE- Episodi më i ri i “Fol me psikologen” është ndalur tek politikanët dhe të fshehtat e tyre, të para këto nëpërmjet leximit të gjuhës së trupit.
Ekspertja e komunikimit Irena Myzeqari së bashku me psikologen Ervisa Lula e cila është njëkohësisht dhe autore e këtij programi, janë ndalur fillimisht tek kryeministri Edi Rama e më pas tek ish-kryeministrit Berisha, kreu i opozitës Lulzim Basha dhe kryetari i bashkisë së Tiranës, Erion Veliaj.
Myzeqari ka interpretuar gjuhën e trupit të përdorur në disa pjesë pikante gjatë seancave parlamentare dhe jo vetëm kaq, por lexoi edhe ngjarjet që kanë bërë zhurmë mediatike si ajo e flirtit të mundshëm mes Ramës dhe ish-deputetes demokrate, Majlinda Bregu apo përqafimeve të famshme tashmë të kryeministrit me presidenten kroate dhe kryeministren britanike.
(BalkanWeb)
