Më 20 Dhjetor Apple pranoi se ka ngadalësuar qëllimisht iPhone me bateri të vjetra për ti mbajtur ato në funksion për një kohë më të gjatë.

Ndërsa kompania u justifikua se kjo është bërë për të mbrojtur konsumatorët, Apple për asnjë moment nuk vuri në dijeni përdoruesit.

Ca kritikë vunë re ngadalësim të iPhone pas disa përditësimeve, dhe përdoruesit në mbarë botën u tronditën nga gjetjet e një kërkimi i cili provonte makthin e tyre: Ngadalësimi i qëllimtë i iPhone është i vërtetë.

Të Premten dy padi shkuan në drejtim të Apple të cilat dënonin këtë praktikë duke pretenduar se veprimet e kompanisë kanë detyruar përdoruesit të blejnë telefonë të rinj, njofton PCWorld Albanian.

Konsumatorët nuk janë të bindur në sinqeritetin e motiveve të kompanisë. Në njërën prej padive shkruhej: “përditësimet iOS janë krijuar pikërisht për këtë gjë, për të detyruar me forcë përdoruesit e iPhone të blejnë modelet më të fundit të ofruar nga Apple.

Apple ende nuk ka komentuar mbi ngjarjet e fundit.

(BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: