Bayern Mynchen është treguar i pamëshirshëm në sfidën e parë me skuadrën e Besiktas. Ekipi i Jup Heynkes ka mposhtur thellë me shifrat 5-0 turqit duke prerë në të njëjtën kohë edhe biletën për fazën çerekfinale të “Champions League”.
Turqit arritën të rezistonin deri në fundin e pjesës së parë kur Myller do të zhbllokonte shifrat, por për t’jua bërë më të thjeshtë gjermanëve mendoi mbrojtësi kroat Vida që doli me kartonin e kuq që në minutën e 16-t.
Me fillimin e pjesës së dytë Kingsley Coman do të dyfishonte rezultatin, ndërsa në minutën e 66-t Myller do të realizonte golin e dytë personal dhe të tretin për ekipin.
Deri në fundin e kohës së rregullt sulmuesi Robert Lovandowski do të realizonte edhe dy herë të tjera, duke vrarë pothuajse çdo shpresë të mundshme të turqve për sfidën e dytë.
Komenti i ndeshjes
90+3′ Përfundon me fitoren e thellë të Bayern, 5-0.
88′ Levandowski realizon “dopietë”. Goli i 5 për Bayern Mynchen
79’ Është radha e sulmuesit Levandowski për të shënuar, 4-0 për Bayern Mynchen
66′ Myller shënon golin e dytë personal dhe të tretin për Bayern Mynchen
53′ Francezi Kingsley Coman ka realizuar golin e dytë për skuadrën bavareze
45′ Mbyllet pjesa e parë
43′ Bayern Mynchen kalon në avantazh me Tomas Myller
16′ Kroati Vida ndëshkohet me të kuqe, Besiktas me 10 lojtarë
1′ Nis takimi në “Allianz Arena”
Formacionet zyrtare
(e.k/BalkanWeb)
