TIRANE- Ndërsa protestuesit e Partisë Demokratike mbajnë në duar pankarta me të cilat kërkojnë dorëheqjen e ministrit të Brendshëm, Fatmir Xhafaj, kësaj proteste nuk i kanë munguar as simbolet.

Ata kanë vendosur në derën e minsitrisë disa kuti që simbolizojnë drogën, të cilat janë porosi për vëllain e ministrit Agron Xhafajn. Në për kutitë shkruhet: “Porosi për Geronin”, “Taksirat o Gone ma hidh përtej detit”, “Pako për Agronin”, “Çoma dhe mua këtë plaçkën tutje i pasha”, “Kjo është porosia e Olsit, më tha ta sjell ty”.

Ndërsa në pankartat që mbajnë në duar protestuesit shkruhet: “Do punë? Lidhu me Ermalin”,“Rama-Tahiri-Xhafaj. Shqipëria jashtë Europës”, “Xhafaj-Tahiri, dyshja e krimit”, “Xhafaj koka e krimit”.
(m.a/BalkanWeb)