TIRANE- Situata nga zjarret sidomos në qarkun e Elbasanit ka qenë mjaft problematike, kjo edhe për shkak të terrenit të vështirë ku ka pasur vatra të tilla.
Për të vënë në kontroll zjarrin e rënë në Krastë të Elbasanit është angazhuar vetë edhe deputeti i Partisë Socialiste, Taulant Balla. Në fotot e postuara nga vetë ai në Facebook, Balla i është futur punës me kokë, e përkrah forcave të specializuara të ushtrisë, bën të pamundurën për shuarjen e zjarrit.
STATUSI I DEPUTETIT
Ka nisur puna për vënien në kontroll të zjarrit në Krastë të Elbasanit. Ndërkohë pas kërkesës për mbështetje drejtuar Ministrisë së Mbrojtjes janë nisur forca të specializuara të ushtrisë. Gjithashtu i kërkova Emergjencave Civile edhe mundësinë e përdorimit të helikopterëve zjarrfikës.
Edhe bashkitë fqinje me Elbasanin po dërgojnë në ndihmë shërbimet e tyre zjarrfikëse.
(m.a/BalkanWeb)