Orakulli i “Rusi 2018”, macja e quajtur Akil e cila vjen nga një muze i qytetit të Shën Petersburgut, ka bërë parashikim për ndeshjen e parë të Botërorit e cila luhet nesër në orën 17:00 ndërmjet Rusisë dhe Arabisë Saudite.
Macja e bardhë ka zgjedhur ushqimin që gjendej në pjatën e Rusisë, duke gëzuar tifozët e kësaj skuadre, pavarësisht se duhet parë sesa e saktë është ajo.
Nuk është hera e parë që në Botëror kafshët bëjnë parashikime pasi ato konsiderohen si fatsjellëse. Ndër më të famshmin mund të përmendim oktapodin Paul në vitin 2010 në Botërorin e Afrikë së Jugut.
(BalkanWeb)