Deputeti i partisë së Anxhela Merkelit dhe kryetari i komisionit për Europën në Bundestagun Gjerman, Gunther Krichbaum është vënë në qendër të komenteve të politikanëve shqiptarë.
Por sot, deputeti socialist Erjon Braçe ka zgjedhur ta sulmojë hapur. Në një status të gjatë ai e akuzon deputetin gjerman se po mban anën e Lulzim Bashës, duke nxjerrë në sytë e botës Shqipërinë e keqe.
“Ndjese që po ta them deputet, por nuk ke parimësi ne gjithë çfarë po thua për Shqipërinë tonë. Bën politike, propagandë por kaq! Kurrë nuk do arrish tek parimësia, të rrënon modeli ‘Lulzim Basha’”, shkruan ndër të tjera deputeti socialist.
STATUSI I PLOTE I BRACES
Deputet!
E vertete eshte, nuk te njoh.
Lulzim Basha po perpiqet te te bej te njohur ketu dhe, po ben mire.
Po te jep mundesine te flasesh per Shqiperine.
Ti po e ben;
Lexova te kesh thene se “nuk eshte koha per Shqiperine te hape negociatat”!!
Merr pyetje ti deputet? Duhet te jesh i hapur apo jo?
Ti je evropian dhe duhet ta kesh kete standard.
Atehere;
Kur ishte koha per Shqiperine deputet, ne janar 2011 kur i mbrojturi prej teje-Lulzim Basha, ne cilesine e ministrit te Brendshem, vrau kater kundershtare ne mes te bulevardit?
Kur ishte koha per Shqiperine deputet, ne shkurt 2011 e me pas kur Drejtesia e kapur prej te mbrojturit prej teje-Lulzim Basha, betonoi cilesisht pandeshkueshmerine e ngritur ne sistem, menyre qeverisje, dhune mbi te pambrojturit e cfare tjeter te duash, me rastin me ekstrem qe nje qeveri mund te ndermarre-vrasjen e protestuesve te paqte ne mes te bulevardit?
Kur ishte koha per Shqiperine deputet, ne shtator 2009 e tutje kur i mbrojturi prej teje-Lulzim Basha, mori vendimin politik per te mos nderhyre me forcen e ligjit ne Lazarat-fshatin ku ishin instaluar jo vetem “7 grosistet e medhenj te droges”, por mbi 48 banda kriminale nga e gjithe Shqiperia, paisur me logjistiken moderne te 7 laboratoreve per perpunimin e droges deri ne vaj e cokollate, duke bere njesh qeverine me krimin, koordinuar vendimmarrjen me ta, ne nje akt unik kriminal ne nivelin me te larte te hierarkise se shtetit?
Kur ishte koha per Shqiperine deputet, ne vere 2011 kur i mbrojturi prej teje-Lulzim Basha, u emerua kryetar i bashkise Tirane, prej nje trupe gjykatesish te korruptuar, pjese e sistemit te degraduar dhe kapur politikisht te Drejtesise, duke i dhene fund zgjedhjes me vote nga populli te drejtuesve te pushtetit vendor?
Apo kur tamam ky i mbrojturi prej teje-Lulzim Basha, i dilte kunder gjithe botes-po po, gjithe botes nga Gjermania ne Amerike, per reformen ne Drejtesi dhe rithemelimin e nje drejtesie te re mu sic gjithe bota, kerkoi, keshilloi, asistoi, hartoi dhe prezantoi, per ti dhene fund pandeshkueshmerise dhe rivendosjen e parimit te perbotshem-ligji eshte i njejte per te gjithe?
Kur? A ke nje pergjigje deputet?
Pa as me te voglin diskutim, ne nuk jemi perfekt, kemi probleme te qarta me ligjin, zbatimin e tij, korrupsionin e krimin e organizuar, po luftojme ti adresojme e te kemi rezultate konkrete per cdo shqiptar qe ka besuar tek ne e qe kerkon qeverisje me te mire;
Drejtesia me ne fund ka nisur te levize, hem si pastrim dhe, hem si ndeshkim, me ngadale por vendosur, larg ndikimit te politikes dhe pa u intimiduar prej saj, mbi prova e fakte per gjithkend, gjithnje ende pa arritur tek “te paprekshmit” qe kete status e betonuan me mbeshtetjen tende ne keto vite, edhe per krime te perbindeshme.
Ketu jemi deputet;
Ti me qendrimin tend, ne me punen tone-si shqiptare gjithnje.
Ndjese qe po ta them deputet, por nuk ke parimesi ne gjithe cfare po thua per Shqiperine tone.
Ben politike, propagande por kaq!
Kurre nuk do arrish tek parimesia, te rrenon modeli “Lulzim Basha”.
E di pse?
Kam lexuar historine e kancelarit Helmut Kohl, deri ne fund, perfshire historine e donacioneve te fshehta, reagimin e partise tuaj ndaj ketij fakti, perfshire edhe ate te kancelares Merkel.
Pa as me te voglin dyshim, ai rast deshmon parimesine, shembullin gjerman qe nuk ngaterron kurre kontributin me ligjin, parate e “pista” me partine dhe pushtetin e saj.
A flet dot per kete deputet?
Ta besh ketu ne Shqiperi, per Lulzim Bashen dhe nje gjysem milion dollare ardhur nga shtetas ruse per te, pushtetin e tij!
Nuk e ben dot deputet!
Ky eshte problemi.
Ndaj vijo me propaganden, parimesi nuk keshillon dot!
Tana t’mirat!
REPLIKAT RAMA-BASHA
Vetë kryeministri Rama gjatë konferencës së 18 Prillit me Shefen e Politikës së Jashtme të BE, Federica Mogherini, teksa komentonte skepticizmin gjerman foli për politikanë atje që flisnin keq për Shqipërinë e që frymëzoheshin nga deklaratat e kryeopozitarit Basha, por pa e përmendur emrin e Krichbaum.
Pas këtij momenti nuk munguan as shkrime në media që e akuzonin Gunther Krichbaum për financim nga Rusia dhe deri për trafik fëmijësh. Jehona e shkrimeve të tilla mbërriti deri në Berlin. Mediat gjermane folën për sulme jo etike ndaj politikanëve gjermanë.
Kryedemokrati Lulzim Basha doli në një konferencë për mediat dhe akuzoi Edi Ramën si sponsorizuesin e shkrimeve denigruese për politikanin e lartë gjerman.
Pas deklaratës së Bashës, Rama iu përgjigj me një status të gjatë në formë letre. Kryeministri thoshte se nuk ka asnjë arsye që PS dhe ai personalisht të merret me një politikan të një vendi tjetër. Ndërsa akuzon Bashën se po dëmton procesin e integrimit të vendit me lobimin në kancelaritë e vendeve të BE kundër çeljes së negociatave.
ÇFARË THA RAMA PËR KRICHBAUM
“Unë nuk jam aspak dakord me opinionin e tij për punën e qeverisë sime dhe këtë ai e di shumë mirë, sepse e ka dëgjuar nga unë, sy më sy dhe jo mbrapa krahëve. Por, zotëria në fjalë ka të gjithë respektin tim për ndihmën që dha kur zotrote bllokoje Reformën në Drejtësi dhe kurrën e kurrës, jo ai po asnjë i huaj i interesuar për Shqipërinë, nuk ka qenë e s’mund të jetë shënjestra e ndonjë sulmi të orkestruar prej meje apo prej Partisë Socialiste. Kurrë!”
(m.a/BalkanWeb)
