Recete nga znj Katerina
Përbërësit
1 pako peta
100 gr gjalpë
½ filxhan arra
1 lugë mjaltë
Kanellë, arrë moskat, karafil
Sherbeti:
1 filxhan sheqer
1 filxhan ujë
1 fetëz limon
Përgatitja
Shkrijmë gjalpin dhe e lemë të ftohet. Ndërkohë ngrohim pak mjaltin dhe e përziejmë me arrat e thërrmuara duke shtuar dhe 1-2 lugë gjalpë të shkrirë. I spërkasim arrat me kanellë pluhur, arrë moskat dhe karafil.
Marrim petat e bakllavasë dhe i presim në 3 shirita. I mbulojmë petët me një pecetë të butë që të mos thahen.
Marrim petët e ndara një nga një dhe i lyejmë me gjalpë. Në fund të çdo pete vendosim 1-2 lugë arra dhe i mbështjellim si cilindër. Në fund hedhim mbi bakllava gjalpin e shkrirë dhe e vendosim të piqet në furrë në temperaturën 200 gradë për 20 minuta.
Ndërkohë përgatisim sherbetin dhe pasi bakllavaja të jetë pjekur e sherbetosim me sherbet të nxehtë.