TIRANË
Ambasadorja e SHBA në Tiranë, Yuri Kim, ka zhvilluar një takim me ministren e re të Financave dhe Ekonomisë, Delina Ibrahimajn.
Përmes një postimi në “Twitter”, ambasadorja Kim thekson se SHBA nxit forcimin e masave kundër pastrimit të parave, si dhe mbështet fiskalizimin dhe digjitalizimin e procedurave për përmirësimin e taksimit, transparencës dhe llogaridhënies.
““Dje u takova me Ministren e re të Financave dhe Ekonomisë Delina Ibrahimaj, për ta uruar për emërimin e saj. Shtetet e Bashkuara nxisin Shqipërinë për të forcuar masat kundër pastrimit të parave, sipas rekomandimeve: https://bit.ly/3BtgU0v – thelbësore për luftën kundër korrupsionit. Shtetet e Bashkuara mbështesin fiskalizimin dhe dixhitalizimin e procedurave për të përmirësuar taksimin, transparencën dhe llogaridhënien. Rregulla të qarta, procese efikase dhe gjykata të pastra do të tërheqin investime amerikane, dhe do të mbrojnë Shqipërinë nga aktorët e këqinj. Kjo është lidhja midis demokracisë, mbrojtjes dhe biznesit”, shkruan ambasadorja Kim.
1/2 Met yesterday with new Finance & Economy Minister @DelinaIbrahimaj to congratulate her on appointment. ?? urges ?? to strengthen measures against money laundering, as recommended https://t.co/b6lJC1NReX – essential for fight against corruption. pic.twitter.com/sPYHJ3dV0X
— Ambassador Yuri Kim (@USAmbAlbania) October 8, 2021
(BalkanWeb)