Auron Tare, në një reagim në rrjete sociale Facebook ka reaguar për jahtin e Abramoviç , i cili pak ditë më parë u kthye në qendër të vëmendjes.
Tare shkruan se “My Solaris” nuk ka hyrë në ujërat shqiptare , por preferoi Malin e Zi. Ndër të tjera shton se nëse kjo gjë do të kishte ndodhur atëherë jo vetëm që do t’i shërbehej menjëherë , por nëse do të kërkonte mbrojtje ambasada britanike do të ishte e para që do të përgjigjes, sepse “My Solaris” mban simbolin e Britanisë së Madhe.
Statusi:
MY Solaris
Yacht built in 2021
Flag: Bermuda
E ceku se ceku
Kryelajm i gjitha mediat tona. E ceku apo jo cepin e ujrave te Shqiperise, Jahti i Abramovich?
Fatkeqesisht MY Solaris nuk hyri fare ne ujrat tona le me te ankorohej ne nje prej Porteve Shqiptare. (Preferoi Malin e Zi)
Se po te hynte jo vetem qe do ti sherbehej menjehere por ne se do te kerkonte mbrojtje, Ambasada Britanike do te ishte e pare qe do ti pergjigjej. Pse? MY Solaris lundron nen flamurin e Bermudes (territor nen Kuroren Britanike) i cili mban simbolin e Britanise se Madhe dhe Irlandes apo me thjesht simboli i Marines Britanike. Sipas ligjit te se drejtes detare cdo anije qe mban kete simbol ka te drejten e mbrojtjes se autoriteteve britanike, sherbim konsullor britanik si dhe mbrojtjen e Flotes Britanike.
Kujtojmë se autoritetet shqiptarë mohuan se mjeti luksoz ujor i oligarkut Abramovich ndodhet në ujërat territoriale shqiptare.
Sipas ministrisë së Mbrojtjes dhe asaj të Infrastrukturës mjeti lundrues aktualisht është duke lundruar në ujërat ndërkombëtare, midis Italisë dhe Shqipërisë.
(BalkanWeb)
