Jozefina Topalli ka dështuar me sukses në një përpjekje për të shfrytëzuar politikisht një koncert të Elhaida Danit.
Elhaida ka zhvilluar një koncert në Shkodër duke mbledhur të gjithë qytetarët në sheshin kryesor. Aty ka ardhur dhe ish­kryetarja e Kuvendit e cila ka dashur ta kthej atë në një takim elektoral duke ngritur dy gishtat lart. Këngëtarja Dani ka reaguar menjëherë duke ulur poshtë dorën e Topallit sapo ka parë veprimin e kësaj të fundit, moment qe duket edhe në video duke nisur nga sekuenca 1 minutë e 35 sekonda e në vazhdim, raporton gazeta Dita, që ka publikuar edhe videon.
Takimi ka qenë i organizuar për të falënderuar këngëtaren shkodrane për suksesin e saj në Itali pak muaj më parë. (da.xha/BalkanWeb)