Ish-futbollisti i Besës dhe Skënderbeut në Superiore, Bernard Berisha, realizoi një paraqitje mbreslënëse ditën e sotme, teksa asistoi dhe shënoi gol me skuadrën e Akhmat Groznit në kampionatin rus, në triumfin 2-0 të arritur ndaj Ural.

Në minutën e katërt, 31-vjeçari nga Peja bëri një driblim të bukur në hapësira të ngushta në zonën e kundërshtarit teksa pasoi te Evgeni Kharin që nuk e pati të vështirë të shënoi golin e epërsisë.

Pas asistimit radha ishte ta dërgonte vetë topin në rrjetë dhe këtë e bëri në minutën e 57-të. Berisha përfitoi nga një gabim në mbrojtjen e Ural dhe ishte i qetë para portës kur shënoi golin e dytë dhe të fitores.

Ky ishte goli i pestë në kampionat për Bernardin, që gjithashtu ka regjistruar dhe 2 asiste. Në fund të ndeshjes, shqiptari i Kosovës, u zgjodh lojtar më i mirë i sfidës.

(BalkanWeb)

© BalkanWeb
Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: